Sulmuesi i Kombëtares U-21 Erald Maksuti është futbollisti më i ri i Flamurtarit. Lajmi është bërë i ditur nga vetë klubi vlonjat nëpërmjet një postimi në rrjetet sociale.
Maksuti ka mbyllur aventurën e tij 3-vjeçare me Apoloninë dhe sezonin e ardhshëm do të jetë pjesë e Kategorisë Superiore.
I lindur më 10 maj 2004, Maksuti vlerësohet si një nga talentet më premtues të brezit të ri dhe pritet të japë kontribut të rëndësishëm te Flamurtari në Kategorinë Superiore.
Ky transferim përfaqëson një hap të madh për vetë lojtarin, i cili tani ka mundësinë të tregojë vlerat e tij në një nga skenat më të rëndësishme të futbollit shqiptar.
Njoftimi zyrtar i Flamurtarit:
Zyrtare :
Erald Maksuti eshte zyrtarisht futbollist i Flamurtari Football Club .
Emri: Erald
Mbiemri: Maksuti
Datëlindja: 10 Maj 2004
Pozicioni: Sulmues i majte
Vjen pas eksperiences si futbollist ne ekipin e FK Apolonia ( Shqiperi )
Mire se vjen ne familjen e madhe Kuqezi te Flamurtari F.C
