Detaje të reja janë zbuluar rreth sherrit të dhunshëm në Ksamil.
Raportohet se konflikti ka nisur kur shtetasi Albert Pashaj, pronar i ‘Euro Hotel Ksamil’, së bashku me familjarë të tij, është paraqitur në ambientet e ‘Sunset Restorant Ksamil’ në pronësi të Agim Tarajt.
Në videon e mëposhtme, Pashaj shihet që ka hedhur pije në tokë ku raportohet se duke fyer kamarierin. Pas këtij veprimi, kamarieri ka reaguar duke e goditur fizikisht. Sipas të njëjtave burime, Pashaj ka dëmtuar ambientin dhe ka kërcënuar stafin e lokalit, çka ka sjellë përplasjen fizike.
Agim Taraj, i cilësuar fillimisht si autor i dhunës, në fakt ka ndërhyrë pas këtij incidenti dhe ka reaguar ndaj provokimit.
Sipas njoftimit të Policië së Sarandës konfirmojnë se ngjarja ka ndodhur rreth orës 12:45. Deri më tani është shoqëruar Agim Taraj, ndërsa vijojnë hetimet për të identifikuar të gjithë të përfshirët.
Albert Pashaj është denoncuar për dëmtim prone dhe cenim të sigurisë së punonjësve të lokalit.
Shkak i konfliktit dyshohet të jetë pretendimi për pronësinë dhe shfrytëzimin e hapësirës së plazhit. Sipas burimeve, plazhi në fjalë ka qenë për disa vite me radhë në përdorim nga pronari i barit, por këtë sezon, një pjesë e tij i është dhënë për përdorim hotelit, ndërsa pjesa tjetër mbeti në administrim të barit. Mosmarrëveshjet për ndarjen e hapësirës bregdetare kanë çuar në përplasje mes palëve, duke detyruar autoritetet që së fundmi ta shpallin zonën si hapësirë publike.
