Një vatër zjarri është aktivizuar mëngjesin e sotëm rreth orës 08:00 në zonën e Sotiranit, në fshatin Dukat, Njësia Administrative Orikum.
Sipas njoftimit të strukturave të Bashkisë Vlorë, zjarri ka përfshirë një sipërfaqe me bimësi të dendur dhe po avancon drejt zonës së mbrojtur të Parkut Kombëtar të Llogarasë.
Për shkak të terrenit të thyer dhe përhapjes së shpejtë të zjarrit, përpjekjet janë bërë të vështira dhe situata mbetet problematike.
Për këtë arsye, Bashkia Vlorë ka kërkuar mbështetje me ndërhyrje nga ajri, përmes përdorimit të helikopterëve.
