Analisti Artan Hoxha ka komentuar debatin mes Adriatik Lapaj dhe Endri Shabani lidhur me mandatin e koalicionit “Nisma Shqipëria Bëhet”.
Sipas analistit, situata agravoi në momentin kur Adriatik Lapaj bëri një premtim ndaj të cili u tërhoq më pas.
Hoxha e cilëson si një zhurmë të panevojshme dhe ngre një hipotezë për kandidatët që mund të dalin me qëllim marrjen e mandatit.
“Mendoj se gjëja është agravuar për faktin që përfunduan tek një mandat dhe në pararendje të marrjes së këtij mandati, Lapaj shkoi në ekstrem kur tha që po përfundova me një mandat, unë nuk e marr atë mandat. Ky është ekzagjerimi që bëhet sepse kur del para një publiku dhe thua se nuk e marr atë mandat dhe nëse përfundon me një të tillë, pendohesh për këtë…
Lapaj ishte i pari që theu fjalën e dhënë publikisht, del Zeqir Kordhoni e thyen dhe ai, dhe aty shkon si efekt domino. Tani fillon loja. Meqënëse njëri është daja i Shabanit dhe bllokon procesin, do dalë një kushëri i Lapajt që do bllokojë procesin më lart, derisa të shkojë tek i pari i listës.
Problemi vjen nga dy momentet: Gjithë ai koalicion me shumë zhurmë dhe me shumë investim mediatik mbi të, përfundoi tek një mandat dhe e dyta që vetë Lapaj bëri një premtim publik që e ktheu shumë shpejt. Ai premtim publik ishte i panevojshëm që nëse përfundon me një mandat, ai nuk e merr. Raporti i tij me mandatin nuk është i drejtë, është tekanjoz”, u shpreh Artan Hoxha.
