Viktor Gyokeres dëshiron të largohet nga Sporting Lisbona. Sulmuesi suedez, kërkon të rikthehet në Premier League, ku ka arritur marrëveshje personale me skuadrën e Arsenal.
Sipas asaj që raportojnë mediat britanike, Gyokeres po detyron klubin e tij që ta shesë dhe të mbyllë një akord.
Për këtë, suedezi ka njoftuar stafin teknik të Sporting Lisbonës, se nuk dëshiron të stërvitet me ekipin, pasi është në pritje të lëvizjes.
Ai ka bërë të ditur se nuk do të paraqitet në seancën stërvitore, si formë presioni ndaj klubit të tij.
Gyokeres nuk e ka pritur mirë vendimin e presidentit portugez, që refuzoi ofertën prej 70 milionë eurosh për të shitur kartonin e tij.
