Një zjarr i madh ka rënë këtë të enjte në fshatin Malas Gropë, Njësia Administrative Kutalli, në bashkinë Dimal.
Flakët kanë nisur në ferrat dhe barishtet buzë rrugës, por janë përhapur me shpejtësi drejt kodrave me ullinj për shkak të erës dhe temperaturave të larta.
Zjarri ka shkrumbuar një sipërfaqe të konsiderueshme me ullinj, ndërsa përhapja e flakëve drejt banesave është shmangur. Ende ka vatra aktive që po mbahen nën kontroll.
Nuk dihet ende sa hektarë janë djegur dhe nëse zjarri është i qëllimshëm apo jo.
