Theo Hernandez nga sot nuk është më një futbollist i Milanit.
Klubi italian ka bërë të ditur zyrtarisht largimin e mbrojtësit francez, i cili do të transferohet në kampionatin e Arabisë Saudite, ku i bashkohet Al Hilalit që drejtohet nga Simone Inzaghi.
Pas shumë ditësh negociata mes palëve, është arritur akordi dhe kësisoj francezi i jep lamtumirën pas 6 vitesh klubit kuqezi.
Klubi postoi një lajm të shkurtër në faqen e internetit dhe një video falënderimi për lojtarin për eksperiencën e tij si kuqezi, ku ai ishte pjesë e grupit që riktheu Milanin te titulli kampion.
Six unforgettable years, magical moments, countless memories. Grazie, Theo! ❤@TheoHernandez pic.twitter.com/h0pIkJdJSp
— AC Milan (@acmilan) July 10, 2025
