Një zjarr i fuqishëm, i ndihmuar nga erërat e forta, ka përfshirë një zonë në vendin e quajtur “Pushimi i Shoferit” në Lushnje, duke djegur disa toka djerrë, shkurre dhe një parcelë me ullinj prej rreth 4 dynymësh.
Në vendngjarje ndodhen vetëm dy mjete zjarrfikëse të Lushnjes, ndërkohë që banorët e zonës kanë ndërhyrë për të ndihmuar me pompa uji për të mbushur zjarrfikëset dhe për të shuar flakët.
Po punohet për neutralizimin e flakëve dhe shmangien e çdo rreziku për jetën dhe pronën e banorëve.
