Lushnja duket tepër aktive në këtë merkato veres. Pas Jurgen Goxhës, lagunarët kanë prezantuar ditën e sotme një emër të rëndësishëm për repartin ofensiv.
Bëhet fjalë për sulmuesin vlonjat, Ardit Hoxhaj, i cili pas “divorcit” me Flamurtarin, i është bashkuar skuadrës së Erion Xhafës. Hoxhaj ka firmosur një kontratë 1 vjeçare, me opsion rinovimi edhe për një vit tjetër.
Gjatë karrierës së tij, 31-vjeçari është aktivizuar me shumë skuadra si Flamurtari, Himara, Bylis, Skënderbeu, Korabi, Ferizaj, Luftëtari, Vllaznia, Elbasani.
Hoxhaj gjithashtu ka fituar edhe 4 trofe në karrierën e tij, kampionatin e Kategorisë së Parë me Elbasanin në sezonin 2023/2024. Dy Kupa të Shqipërisë me Vllazninë, 2020/2021, 2021/2022 si dhe një Kupë të Shqipërisë me Flamurtarin në sezonin 2013/2014.
