Policia e Kurbinit ka arrestuar administratorin e gurores ku u aksidentua për vdekje punëtori 38-vjeçar Petrit Prenga.
Në pranga u vu Sefulla Halilin, 60 vjeç, banues në Fushë-Kuqe. Ai akuzohet për veprën penale “shkelja e rregullave të mbrojtjes në punë”, me pasojë vdekjen.
Petrit Prenga, 38 vjeç, u godit për vdekje nga makineria e mullirit të bluarjes së gurëve.
“Nga hetimet dyshohet se P. P., 38 vjeç, gjatë punës te mulliri i bluarjes së frontojës, është goditur aksidentalisht nga pjesa e lëvizshme e makinerisë dhe për shkak të dëmtimeve të rënda, ka humbur jetën”, njoftoi policia.
Pas veprimeve paraprake, hetimet i kaluan Prokurorisë së Lezhës për veprime të mëtejshme proceduriale.
