Prej pesë ditësh, vijon zjarri në malin e Dukatit, në zonën e njohur si Sotiran, mes fshatrave Tragjas dhe Dukat.
Flakët, që kanë përfshirë një sipërfaqe të konsiderueshme, po përparojnë dhe po vënë në rrezik Parkun Kombëtar të Llogarasë, një nga zonat e mbrojtura në vend.
Ndërhyrja me mjete zjarrfikëse është e vështirë për shkak të terrenit të thyer dhe të paarritshëm me mjete tokësore.
Për këtë arsye, autoritetet kanë aktivizuar dhe ndërhyrjen ajrore me helikopterë, në përpjekje për të izoluar vatrat aktive të zjarrit.
