Deputetja e zgjedhur e Partisë Socialiste, Romina Kuko, ka krahasuar presidentin e Ukrainës Volodymyr Zelenskyn me Zegjinenë e Roskovecit.
Kukos duket se i janë dukur gazmore shprehjet e Zegjinesë “o gazooo, o motraaa” në rrjete sociale dhe shprehet se edhe Zelenskyy ishte komedian, por u bë president.
Sipas saj, politika kërkon përfaqësime të reja dhe Kuko e sheh më së miri tek ‘meme-t’ e Zegjinesë së Roskovecit.
“Politika sot kërkon forma të reja përfaqësimi, dhe brezi i ri nuk afrohet më përmes metodave tradicionale. Sot, politika ndiqet përmes rrjeteve sociale. Ka plot shembuj në Evropë ku ‘partitë ndryshe’ janë kthyer në realitet politik, qoftë edhe nga komedianë si presidenti ukrainas Zelensky apo figura të pazakonta. Ajo që më shqetëson është kur një politikan shkatërron procesin demokratik, jo kur komunikon ndryshe,” tha Kuko në News24.
