Gazetari Osman Stafa ka denoncuar sërish skandale që lidhen me korrupsionin në sektorin e shëndetësisë në vendin tonë.
Gjatë një Podcasti, Stafa deklaroi se një pacient i sëmurë, priste të shiste viçin, që të paguante operacionin tek mjeku, pasi ky i fundit i kishte thënë që sëmundja e tij pret.
Më tej gazetari theksoi se mjeku që do t’i merrte lekët qytetarit të sëmurë, nuk mund të quheshe mjek dhe se në dijeni të korrupsionit janë të gjithë.
“Ishte një pacient, që priste t’i rriteshe viçi dhe më pas ta shiste, për të shkuar në operacion. Se i kishte thënë mjeku: më duhen kaq lekë.
Unë nuk e di sesi këta e veshin bluzën e tyre të bardhë? A nuk kanë turp kur iu kërkojnë pacientëve lekë? dhe pacientët që i marrin borxhe? Shesin toka, lopë, viça.
800 mijë lekë, priteshe që t’i rriteshe viçi i lopës, që ta shiste dhe të paguante lekët e operacionit.
Dhe ky person, vetëm mjek nuk mund të quhet! Dhe të gjithë e dinë! E dinë te drejtoria, te Ministria dhe asgjë nuk bëjnë”, tha Osman Stafa gjatë Podcastit ‘Mikrofoni Qytetar”.
View this post on Instagram
