Lufta e pandalshme mes Wanda Naras dhe Mauro Icardit po trondit Argjentinën dhe jo vetëm! Pak javë pas seancës gjyqësore në Itali, ylli i Galatasaray-it u përball me një sfidë të vërtetë kur ish-gruaja e tij refuzoi t’i dorëzonte vajzat për t’i kaluar disa ditë me të, duke thyer urdhrin e gjykatës.
Pak javë pas seancës gjyqësore në Itali, futbollisti kishte shkruar sipas vendimit të gjykatës të merrte dy vajzat e tij për t’i kaluar disa ditë me to.
Në orën 11 të mëngjesit, Icardi u paraqit në apartamentin ku jeton Wanda Nara me fëmijët, por ish-gruaja e tij refuzoi t’ia dorëzonte vajzat, duke u justifikuar me arsye personale dhe psikologjike.
Sipas medave të huaja, në fillim, Icardi dhe përfaqësuesit e tij tentuan me qetësi ta bindnin atë se ishte e detyruar të respektonte urdhrin e gjykatës, por situata u tensionua dhe në skenë u përfshinë edhe trupat e sigurisë, pasi apartamenti ndodhet në një kompleks luksoz.
Situata po dilte jashtë kontrollit, teksa fqinjët njoftuan policinë dhe ajo që filloi si një çështje personale u kthye në një spektakël publik. Edhe Icardi nuk qëndroi duarkryq: njoftoi Autoritetin për Mbrojtjen e Fëmijëve dhe informoi policinë për qëllimin e tij për të paraqitur kallëzim ndaj ish-gruas.
Pas një beteje që zgjati më shumë se 10 orë, dy vajzat e vogla u larguan nga apartamenti dhe iu dorëzuan babait të tyre, i cili paralajmëroi hapa të mëtejshëm ligjorë.
“Nuk është e pranueshme që çdo takim me vajzat e tij të varet nga humor apo dëshira e Wandës,” deklaruan avokatët e Icardit, ndërsa Nara u bë objekt i sulmeve online. Ajo nga ana e saj beson se Icardi po përdor vajzat për ta shtypur emocionalisht.
Megjithatë, të dy kanë shmangur përballjet e drejtpërdrejta në rrjetet sociale, por nuk kanë munguar aludimet e nënkuptuara.
Icardi postoi përsëri në Instagram një storie me dorën ngritur, një imazh që njihet si simboli i fitores së aktorit Johnny Depp në procesin kundër Amber Heard.
Përgjigja e Wandës erdhi fillimisht në një shfaqje televizive, ku ajo deklaroi se “u thanë shumë gënjeshtra për atë që ndodhi,” dhe më pas postoi foto ku duket qartë unaza e fejesës që ia kishte dhuruar ish-bashkëshorti.
