Procesi i rinumërimit të votave për qarkun e Fierit, i cili nisi pas kërkesave për verifikim të rezultatit të 11 majit, po shkon drejt përfundimit. Deri më tani janë rinumëruar 488 kuti votimi nga gjithsej 582, ndërsa pritet që procesi të përmbyllet brenda ditës së sotme.
Kandidatja e Partisë Demokratike, Silva Hasaj, ka rezultuar me 689 vota më shumë në numërimin e parë, vota të cilat do t’i hiqen pas rinumërimit.
Por, nga rinumërimi i votave nga KAS për Qarkun e Fierit rezulton një trafikim i madh votash brenda socialistëve. Konkretisht mes dy prej kandidatëve qe njihen për marrëdhëniet e afërta me zv.Kryeministren Belinda Balluku, Ceno Klosit dhe Klevis Jahajt, ku i pari i ka vjedhur qindra vota të dytit. Klosit do t’i zbriten 925 vota të shënuara në favor të tij në numërimin fillestar.
Në të kundërt, kandidatit Klevis Jahaj, të cilit i ishin hequr 480 vota në numërimin paraprak, ato do t’i rikthehen pas përfundimit të procesit të rinumërimit.
Sa i përket rezultatit në nivel partish, koalicioni PD-ASHM do të humbasë 112 vota nga rezultati fillestar, ndërsa Partisë Socialiste do t’i shtohen 31 vota.
Komisioni Qendror i Zgjedhjeve pritet të publikojë rezultatet përfundimtare pas mbylljes së kutive të mbetura dhe përpunimit të të dhënave përkatëse.
Çunat e Belës nuk heqin dorë nga vesi, Ceno Klosi i vjedh votat Klevisit të Ujësjellësit
