Gazetari, Genc Burimi, ka deklaruar se kryeministri shqiptar i Edi Rama ja kalon presidentit serb Aleksander Vuçiçit si diktator, pasi sipas tij, në Beograd shoqëria civile po ngrihet.
Burimi tha se dështimi i Vuçiçit në lidhje me protestat vjen nga perëndimorët, pasi sipas tij, në Beograd ata e mbështesin shoqërinë civile kurse në Tiranë e bllokojnë atë.
“Qeveria serbe dhe shqiptare kanë të njëjta situata dhe politika, përveç reagimit të evropianëve. Kemi dy autoritarë, me jetëgjatësi të madhe në pushtet. Kryesisht rekordin e ka Rama. Por dhe Vuçiç që ka filluar në 2012. Ka rastisure një mjeke Serbe e cila vinte në Paris dhe shkonte punonte në Zvicër, dhe thoshte që ‘ne nuk e durojmë dot më Vuçiçin’.
Ai Ka arritur maksimumin dhe është një diktaturë. Krahasimi tjetër me zgjedhjet, si Rama dhe Vuçiç, zgjedhjet i vjedhin të dy kanë drejtësinë në dorë, si Rama dhe Vuçiç kanë raporte të ngjashëm të OSBE-ODHIR. Në të dyja vendet përdoret shteti për fitoren e partisë në fuqi. Ku është dallimi? Në Serbi Vuçiç ka të drejtë tek investimi tek shoqëria civile që ngrihet sot, sot në Shqipëri nuk ndodh kjo. Kjo ndodh sepse në Serbi, Vuçiç është pro Moskës.
Në Tiranë Rama është pro perëndimit. Ky është dallimi që kur bëhet fjala për në Serbi, kur ngrihen njerëzit kur ngrihen barrikadat. Shoqëria civile tha që ta rrëzojmë me luftë nga pushteti. A dëgjuat në këtë rast perëndimi të thoshte diçka? Fare. Pra i bie që perëndimi e miraton në mënyrë të heshtur dhe rrëzimin me dhunë të Vuçiçit. Në Shqipëri sa herë që bën thirrje dikush për manifestim menjëherë ndërhyjnë perëndimorët. Të bëhet në mënyrë paqësore kujdesni. Pra kemi një perëndim që në Shqipëri mbyll gojën, kurse në Beograd fërkon duart ishalla rrëzohet Vuçiçi.” tha Burimi.
