Një zjarr i fuqishëm ka përfshirë tregun në lagjen 13 të Durrësit, në zonën e plazhit.
Flakët kanë shpërthyer papritur dhe janë përhapur shpejt, duke shkaktuar panik mes banorëve dhe tregtarëve.
Tymi i dendur ka mbuluar gjithë zonën, duke i vështirësuar ndjeshëm lëvizjet dhe duke kërcënuar sigurinë e qytetarëve që jetojnë në këtë zonë.
Pavarësisht përpjekjeve të zjarrëfikësve, që janë mbërritur pas disa minutash, flakët janë ende të pandalura dhe ka një pasiguri të madhe për përhapjen e zjarrit në objektet përreth.
Banorët shprehen të shqetësuar dhe akuzojnë autoritetet për reagim të vonuar dhe mungesë kontrolli në menaxhimin e situatës.
Ata theksojnë se kjo nuk është hera e parë që zjarrfikësit mbërrijnë vonë, dhe askush nuk ka marrë përgjegjësinë për dëmet që mund të shkaktohen.
Deklarata e banorëve:
“U dogjën gjërat, shkruan. Të gjitha gjërat janë djegur. Ajo duhet të jetë bërë nga elektriku, se s’ka mundësi ndryshe. Dy dyqane fikeshin, 5 të tjera ndizeshin.
U dogjën më shumë se gjysma e atyre që lanë derisa flaka doli këtu.
Ku do t’i kërkojmë të drejtat tona, ku do t’i gjejmë lekët, jemi trotuaruar gjithë natën, u bëmë si lypsarë.
Marrim lekë borxh dhe vijmë, leku që të marrim 5 lekë e të jetojmë.
Unë nuk kam as 30 minuta që kam ardhur, më thoshte policia: “Ndalu, ndalu.”
Ata duhet të ishin futur brenda, ta shuanin zjarrin, jo ta linim të shkonte kështu.
Ne nuk dimë gjë se çfarë do të bëjmë fare.
Ne vijmë e rrijmë gjithë ditën këtu, për të shitur.
Siç i patëm ato 5 lekë, na u bënë shkrumb e hi, nuk e di çfarë do bëjmë me jetën tonë, janë djegur me miliona lekë.
I kemi akoma lekët e mallit borxh pa larë në Tiranë, ata nuk duan t’ja dinë, duan lekët e mallit që kemi marrë, kështu do qofshim”
Në këtë moment, shkaku i zjarrit nuk është bërë ende i ditur, dhe autoritetet ende nuk kanë dhënë ndonjë informacion konkret.
Banorët janë të dëshpëruar dhe kërkojnë përgjegjësi për pasojat që do të ndodhin, ndërkohë që situata mbetet nën kontrollin e shërbimeve të zjarrfikësve.
Lexo edhe:
