Një 23-vjeçar nga Kosova është dërguar në Urgjencën e Spitalit Rajonal të Lezhës pa shenja jete.
Sipas policisë, rreth orës 09:00 të datës 28.06.2025, Drejtoria Vendore e Policisë Lezhë është njoftuar nga Urgjenca e Spitalit Rajonal se ka mbërritur pa shenja jete shtetasi G. S., 23 vjeç, banues në Ferizaj, Kosovë.
Sipas deklarimeve të familjarëve, i riu kishte probleme shëndetësore që në fëmijëri. Dyshohet se vdekja ka ardhur nga shkaqe natyrale.
Raportohet se i riu ndodhej me pushime me familjen në bregdetin e Lezhës.
