Ka përfunduar takimi miqësor i 19-vjeçarëve që u luajt në “Elbasan Arena” ndërmjet Kosovës dhe Shqipërisë.
Kuqezinjtë e drejtuar nga Bogdani fituan me rezultatin 2-1, falë dopjetës së Pashës. Ndërsa golin e vetëm për kosovarët e shënoi nga pika e bardhë e penalltisë, Limani.
Kjo ishte miqësorja e parë midis këtyre dy përfaqësueseve pasi në datën 26 mars, në “Loro Boriçi” është përcaktuar të luhet dueli i dytë mes Shqipërisë dhe Kosovës, ku të dy trajnerët do të provojnë të gjithë lojtarët e grumbulluar.
