Papa Leone ka kërkuar që të ndalohet “tragjedia e luftës para se të jetë tepër vonë”, pas bombardimeve të SHBA-së në centralet bërthamore të Iranit.
“Sot më shumë se kurrë, njerëzimi bërtet dhe thërret paqen: është një britmë që kërkon përgjegjësi dhe arsye dhe nuk duhet të mbytet nga gjëmimi i armëve dhe nga fjalët retorike që nxisin konfliktin”, u shpreh Papa.
Ndërsa shtoi se “Ndalojeni tragjedinë e luftës përpara se të shndërrohet në një humnerë të pariparueshme”.
Sipas Atit të Shenjtë, “lufta nuk i zgjidh problemet, përkundrazi i amplifikon ato dhe prodhon plagë të thella në historinë e popullit që kërkojnë breza për t’u shëruar.”
“Le t’i heshtë armët diplomacia”, bëri thirrje Papa Leo.
