Flamengo i ka dhënë një leksion të mirë Chelseat duke vazhduar dominimin e pabesueshëm të skuadrave latino-amerikane në Botërorin e Klubeve. Ekipi brazilian ka fituar me shifrat 3-1 dhe ka bërë formalitet kalimin në fazën tjetër të turneut.
Chelsea në fakt e nisi ndeshjen me një gol të shpejtë të Neto në kundërsulm, por ishin brazilianët ata të cilët sulmuan pareshtur duke kërkuar me ngulm golin.
Ai do të vinte në pjesën e dytë të dominuar plotësisht nga brazilianë të cilët shënuan me Bruno Henrike e Danilo brenda pak minutash.
Kartoni i kuq i Xhekson ua bëri punën më të thjeshtë dhe goli i Uallas Jan vulosi suksesin 3-1 të Flamengos që ka pikë të plota pas dy ndeshjeve.
