Flamengo-Chelsea është sfida e radhës që po luhet aktualisht në Philadelphia, e vlefshme për grupin D në Kupën e Botës për Klube. Londinezët gjetën golin me Pedro Neto në minutën e 13-të.
Sulmuesi portugez përfitoi nga një gabim fatal i lojtarëve të Flamengo-s në mesin e fushës dhe pasi mori topin i vetëm e dërgoi atë në rrjetë. Pjesa e parë u mbyll 1-0 për londinezët.
Ndërkohë ka rinisur edhe sfida mes Benfica dhe Auckland City. Ndeshja u ndërpre për shkak të motit të keq teksa portugezët kryesonin 1-0 falë golit me penallti nga Angel Di Maria. Me rifillimin e lojës Benfica ka shënuar edhe golin e dytë me autor të golit Vangelis Pavlidis.
Duhet theksuar se përveç numrit të paktë të tifozëve në stadium, koha e keqe është një tjetër problem madhor në Kupën e Botës për Klube.
Kjo është ndeshja e katërt e ndërprerë në Kupën e Botës për Klube, që po mbahet në SHBA, pikërisht për shkak të motit të keq.
