Një tjetër ndeshje e Kupës së Botës për Klube është ndërprerë për shkak të motit të keq, teksa Benfica dhe Auckland City nuk kanë mundur ta përfundonin ndeshjen në Orlando.
Skuadra portugeze po udhëhiqte 1-0 me anë të penalltisë së Angel Di Marias kur ndeshja u ndërpre në pjesën e parë pas stuhisë së shiut. Kjo ishte ndeshja e katërt që ndërpritet apo shtyhet në këtë turne.
Të martën, ndeshja e Mamelodi Sundowns kundër Ulsan HD u pezullua pak para fillimit për më shumë se një orë për shkak të një alarmi për motin.
Ndeshja e RB Salzburg kundër Pachuca u shty në pjesën e dytë për 97 minuta për shkak të një stuhie të mërkurën. Të enjten, ndeshja e Palmeiras kundër Al Ahly u ndërpre për gati 45 minuta në pjesën e dytë për shkak të një stuhie aty pranë.
Protokollet e zakonshme të sigurisë publike në SHBA urdhërojnë që ngjarjet sportive në natyrë të pezullohen për të paktën 30 minuta kur shihet vetëtima ose dëgjohen bubullima.
