Gazetari Basir Çollaku, ka komentuar lëvizjet e fundit të SPAK dhe BKH-së, ku janë zhvilluar kontrolle të banesës biznemenit Ergys Agasi.
Çollaku tha se Ramës i janë bërë kërkesa për ministri nga grupet kriminale që e ndihmuan në zgjedhje, dhe sipas tij, kryeministri kërkon që të minimizojë këto kërkesa.
“Në botën kriminale, Durrësi është me peshën kryesore në vend të bandave dhe grupeve që kanë peshuar dhe shumë mandate, kanë prodhuar shumë pushtet.
Unë shoh dhe një tjetër ekuilibër tjetër të prishur, ku grupi që koordinonte Ergys Agasi, sipas denoncimeve të bëra në adresë të tij. Kemi denoncimin e kryetarit të PD, Sali Berisha në Parlamentin Europian, është rritur niveli dhe transparenca e kërkuar nga Brukseli, çfarë po ndodh në Shqipëri.
Një njeri i lidhur me këto fije kriminale.
Jemi në prag të formimit të një qeverie të mundshme, dhe grupet kriminale i kanë përcjellë mesazhe koordinatorit se çfarë ministrish duan, çfarë postesh duan. E shihja njëkohësisht edhe një farë dore të zgjatur të kreut të qeverisë për të ulur pritshmëritë dhe kërkesat e grupeve që kanë prodhuar aty mbi pushtet në 11 maj.
Nëse ata kërkojnë ministrinë e Brendshme, të Jashtme, të Infrastrukturës, sepse ata i dinë vetë kërkesat e tyre të parefuzueshme në këtë moment për Ramën, atëherë i duhet një instrument lehtësues për të hequr këtë barrë të rëndë, që Rama nuk ka këllqe ti thotë jo, dhe për të gjetur një tjetër që të ulë kërkesat dhe të ndahet prej këtyre fituesve ku ata janë pjesa kryesore“, u shpreh Basir Çollaku në SYRI TV.
