Një prototip i raketës Starship të SpaceX shpërtheu të mërkurën në mbrëmje në Teksas gjatë testimeve në tokë. Anija 36, e cila pritej të përdorej për fluturimin e dhjetë të testimit të Starship, po i nënshtrohej një kontrolli rutinë të motorit kur shpërtheu papritur në vendin e testimit Starbase.
Siç njoftuan autoritetet lokale, deri më tani nuk janë raportuar të lënduar. Protokollet e emergjencës u zbatuan shpejt dhe një hetim është duke u zhvilluar për të përcaktuar shkakun e incidentit. Uebsajti lokal i lajmeve ValleyCentral raportoi se banorët e Qarkut Cameron, ku ndodhen objektet e SpaceX, u trembën nga një zhurmë e lartë që driti objektet në shtëpitë e tyre.
Siç raporton Daily Beast , incidenti është vazhdim i një serie dështimesh për Space X të Elon Musk. Fluturimi i nëntë provë i Starship, i cili u zhvillua vetëm disa ditë para se Musk të përfundonte mandatin e tij në Departamentin e Efikasitetit të Qeverisë të administratës Trump ishte dështim.
ANOMALY! Just before Ship 36 was set to Static Fire, it blew up at SpaceX Masseys!
Live on X and YT:https://t.co/GPjZIX1Zyd pic.twitter.com/CfZhDeSGae
— NSF – NASASpaceflight.com (@NASASpaceflight) June 19, 2025
