Një automjet është përfshirë nga zjarri pasditen e kësaj të diele në vendin e quajtur “Kthesa e Fratarit” përgjatë aksit kombëtar Levan-Tepelenë.
Mësohet me mjetin që u përfshi nga flakët po udhëtonte një familje me 4 anëtarë, një çift bashkëshortësh dhe dy fëmijët e tyre të vegjël.
Buriem bëjnë me dije se shoferi, pasi dëgjoi një zhurmë të fortë në pjesën e poshtme të mjetit, ndaloi menjëherë në anë të rrugës. Menjëherë nxori jashtë mjetit bashkëshorten dhe fëmijët, vetëm pak çaste para se automjeti të përfshihej totalisht nga flakët.
Edhe në vendin e ngjarjes shkoi një zjarrfikëse, sërish automjeti u shkrumbua totalisht, teksa dëmet ishin vetëm materiale. Dyshohet se zjarri u shkaktua nga një defekt teknik.
Për disa minuta, rruga kombëtare u bllokua, duke krijuar trafik të rënduar dhe panik te drejtuesit e tjerë të mjeteve.
