Protestat kundër dëbimit të emigrantëve të paligjshëm në Los Angeles, SHBA, vazhdojnë për të tretën ditë me radhë, teksa autoritetet e shpallën qendrën e qytetit një zonë të paligjshme tubimi.
Një gazetare australiane është goditur nga një plumb gome, teksa ishte duke raportuar nga Los Angeles, për televizionin 9News.
Siç duket edhe nga pamjet gazetarja e 9News, Lauren Tomasi, ishte duke raportuar situatën e tensionuar në Los Angeles kur një oficer policie i armatosur pas saj e qëlloi me një plumb gome.
“Ky incident shërben si një kujtesë e fortë për rreziqet e natyrshme me të cilat mund të përballen gazetarët ndërsa raportojnë nga vijat e para të protestave,” tha në një deklaratë Tv 9News.
