Alvaro Morata u la jashtë nga trajneri i Kombëtares spanjolle, Lopetegu, gjë kjo që nuk është pritur mirë nga drejtuesit e Çelsit, të cilët e shohin tashmë sulmuesin spanjoll si një lojtar që duhet larguar në merkato.
Një ndër futbollistët që mund të zëvendësojë sulmuesin spanjoll është Gonzalo Higuain i Juventusit, për të cilin, londinezët mund të paguajnë plot 70 milionë euro, por nuk përjashtohet as mundësia e një shkëmbimi Morata-Higuain, ku të dyja skuadrat do të merrnin atë që duan.
Nëse Sarri firmos me Çelsin, për t’i drejtuar londinezët për sezonin e ardhshëm, atëherë edhe kalimi i Higuainit do të bëhej më i lehtë, pasi së bashku kanë qenë pjesë e Napolit, para se argjentinasi të kalonte te bardhezinjtë.
