Kualifikimi i Interit në Champions League duket se ka qenë aq i madh sa Mauro Icardi e ka kaluar me shumë qetësi mospërfshirjen në skuadrën e Argjentinës për finalet e Kupës së Botës. Por bashkëshortja dhe agjentja e tij Wanda Nara ka bërë një ‘kërcënim’ për të ardhmen e tij.
“Situata për Icardin është rinovim ose do të largohet. Dhe janë shumë klube të mëdha që po bëjnë presion për ta patur”. Kështu është shprehur Wanda Nara pas interesit të madh për të ardhmen e sulmuesit. “Janë 3 nga klubet më të mëdha të Evropës që janë gati të paguajnë klauzolën, që nuk është edhe aq e lartë – u shpreh ajo në një interistë për radion argjentinase Radio Metro – Prioriteti është Interi, por shumë klube janë duke bërë presion”.
Më tej Wanda Nara ka konfimuar se është paracaktuar një takim me drejtorin sportiv të Interit, takim që do të vendosë shumë për të ardhmen e sulmuesit.
