Një ngjarje e rëndë është regjistruar ditën e sotme në rrugën “Brigada VIII”, në Tiranë.
Një punëtor nga Bosnje-Hercegovina, rreth 48-vjeç, ka rënë nga lartësia e nje pallati teksa po punonte dhe ka humbur jetën.
“Më datë 31.05.2025, në rrugën “Brigada VIII”, dyshohet se gjatë punës në një pallat në ndërtim, ka rënë nga lartësia dhe ka humbur jetën punëtori, shtetasi i huaj, rreth 48 vjeç,(Bosnjë-Hercegovinë).”– njofton policia.
Grupi hetimor ndodhet në vendngjarje dhe po punon për sqarimin e plotë të rrethanave të këtij rasti.
