Përmes një statusi në Facebook, deputetja e PD, Dhurata Cupi ka publikuar vendimin e VKM që sipas saj Ministri i Brendshem ka propozuar heqjen e rreth 300 metër katror sipërfaqe nga lista e pronave shtetërore që i përket Akademisë së Shkencave.
“Kjo qeveri përmes PPP nuk po lë më asnjë pronë shtetërore pa e privatizuar e duke ua dhënë miqve të tij, vetëm karrigen e tij në kryeministri mendon se e ka personale dhe nuk e ka nxjerrë në ankand”- thotë ndër të tjera deputetja e PD.
Statusi i plotë:
Për cfarë i duhen Kryeministrit dhe 300 metër katror mu në qendër të Tiranës duke ia hequr Akademisë së Shkencave??!!
Kush mundet ta kuptojë këtë VKM?
Kush e përvetëson këtë sipërfaqe të kërkuar nga Xhafa?
Babëzia për përvetësimin e çdo prone publike ka prekur edhe Akademinë e Shkencave.
Pasi morën prona në cdo cep të Tiranës, duke pêrfshirë edhe Teatrin e cdo pronë tjetër shtetërore, përmes projektit grabitqar PPP tashmë radhën e ka Akademia e Shkencave duke i hequr kësaj të fundit nga lista e pronës shtetërore një sipërfaqe prej 297 metër katror të fondit të librave.
Për cfarë i duhet Ministrit te Brendshem, që ka propozuar heqjen e kësaj sipërfaqe nga lista e pronave shtetërore, pikërisht në godinën ngjitur me atë të sallës së seancave plenare?
Asnjë informacion nuk është publikuar, madje as Akademia e Shkencave nuk është vënë në dijeni për këtë akt grabitqar të ambjenteve të saj.
Kjo qeveri përmes PPP nuk po lë më asnjë pronë shtetërore pa e privatizuar e duke ua dhënë miqve të tij, vetëm karrigen e tij në kryeministri mendon se e ka personale dhe nuk e ka nxjerrë në ankand.
Prandaj zëri i revoltës do të kumbojë me 26 maj në Tiranë në protestën kundër krimit e cdo të keqeje që ka mbjellur kjo qeveri në 5 vitet e fundit.
