Liridon Balaj zyrtarisht largohet nga Skënderbeu dhe firmos me Dritën. Sulmuesi ka surprizuar duke u larguar nga Korça, edhe pse kishte kontratë deri në vitin 2027.
Balaj shton forcat e Dritës në sulm. Kampionët e Kosovës po përgatiten për turin e parë të Ligës së Kampioneve.
Sulmuesi anësor ka firmosur kontratën e re të vlefshme për dy vitet e ardhshme dhe është vendosur menjëherë nën urdhërat e trajnerit Ramadani.
25-vjeçari rikthehet kështu në Kosovë ku nisi karrierën me Besën e Pejës para 7 viteve.
Njoftimi i Dritës:
“Liridon Balaj është përforcimi ynë më i ri. Kemi knaqësinë të ju prezentojmë përforcimin tonë më të ri, sulmuesin Liridon Balaj.
Balaj është zyrtarizuar nga drejtori sportiv i klubit z. Valon Zymberi i cili njoftoi se marrëveshja është arritur që Balaj të jetë me ne për dy vitet e ardhshme.
Balaj luan në poziten e sulmuesit të krahut të djathtë dhe së fundmi ishte pjesë e ekipit të Skenderbeut nga Shqipëria.
Liridoni si i ri ishte pjesë e ekipit të KF Besa nga Peja dhe në sezonin 2018/19 u largua në drejtim të futbollit zvicrran ku për disa vite ishte pjese e ekipeve si FC Aarau dhe FC Schaffhausen gjithashtu për një kohë ka luajtur edhe në futbollin belg. Balaj do të jetë një forcë e re e ekipit dhe i dëshirojmë shume suksese së bashku. Mirë se vjen Bala”.
