Gruaja që shikoni në foton e mësipërme është 54-vjeçarja nga Durrësi Valbona Xhazejno, e cila humbi jetënpak orë pas një operacioni tek klinika private “Villa Alba”, pranë spitalit të qytetit. Ajo është përcjellë mesditën e sotme për në banesën e fundit.
Mjeku që ka kryer ndërhyrjen kirurgjikale është Ilir Shani, pronar i klinikës private “Villa Alba” ku ka ndodhur ngjarja tragjike. 54-vjeçare ka kryer një operacion për ngushtimin e stomakut, por gjendja e saj është përkeqësuar dhe ka ndërruar jetë vetëm pak orë pas operacionit.
Familjarët e viktimës akuzojnë mjekun për humbjen e jetës së njeriut të tyre. Mjeku Ilir Shani është proceduar penalisht në gjendje të lirë për veprën penale “neglizhencës në trajtimin mjekësor”. Ka qenë bashkëshorti i viktimës, ai i cili ka bërë kallëzim në Polici.
Mjeku kirurg po hetohet lidhur me rrethanat që çuan në humbjen e jetës së pacientes Valbona Xhazejnos pak orë pas operacionit. Sipas legjislacionit penal shqiptar, në rastet kur neglizhenca mjekësore shkakton vdekjen e një personi, parashikohet dënim me burgim deri në 2 vjet.
