Policia e Tiranës ka bllokuar 3 automjete të cilat dyshohet se janë të vjedhura.
Pas kontrolleve të policisë të 20 automjeteve, 17 rezltuan negative në sistem dhe u lanë të lira, ndërsa 3 automjete të markave “Audi, Q7”, “BMW, Seria 5” dhe një “Land Rover, Range Rover Sport”, aktualisht ndodhen në ambientet e Drejtorisë Vendore të Policisë Tiranë për verifikime të mëtejshme.
Njoftimi i policisë
“Më datë 12.04.2016, Forcat e Posaçme Operacionale dhe Kërkimit, në bazë të planit të masave të hartuara nga Drejtoria e Policisë Vendore Tiranë, për “Identifikimin, Bllokimin, Sekuestrimin e automjetevetë Vjedhura, e të Trafikuara në vendin tonë”, në ambientet e Drejtorisë Vendore të Policisë Tiranë, janë shoqëruar sëbashku me drejtuesit e mjeteve disa automjete për verifikim nga Seksioni i Trafiqeve të Paligjshme, për rregullsinë e tyre.Kanë shoqëruar 20 automjete të modeleve të ndryshme, nga të cilat 17 automjete janë lënë të lira menjëherë pas verifikimit në sistemin ASF2, pasi kanë rezultuar negative në këtë sistem.3 automjete të markave “Audi, Q7”, “BMË, Seria 5” dhe një “Land Rover, Range Rover Sport”, aktualisht ndodhen në ambientet e Drejtorisë Vendore të Policisë Tiranë për verifikime të mëtejshme.”
