Një fluturim i Lufthansas me 205 persona në bord mbeti pa pilot për 10 minuta, shkruan CNN sot, pasi piloti humbi ndjenjat ndërsa ishte vetëm në kabinë, sipas një raporti të ri nga autoriteti spanjoll i hetimit të aksidenteve.
Ngjarja e zbuluar rishtas, ka ndodhur një vit më parë, njëri nga pilotët kishte dalë pak minuta nga kabina e pilotit për të përdorur tualetin kur bashkëpilotit i ra të fikët gjatë një fluturimi nga Frankfurti për në Sevilje të Spanjës, tha raporti nga agjencia e quajtur CIAIAC.
Një total 199 pasagjerë dhe gjashtë anëtarësh të ekuipazhit ndodheshin në bordin e Airbus A321 në atë kohë, thuhet në raport.
Aeroplani vazhdoi të fluturonte në mënyrë të qëndrueshme për shkak të autopilotit aktiv, megjithatë, piloti i dytë i operoi kontrollet pa dashje, tha raporti.
Ai shtoi se frymëmarrja e ‘çuditshme’ e pilotit të pavetëdijshëm u regjistruan në regjistruesin e zërit gjatë kësaj kohe.
Një kontrollor i trafikut ajror u përpoq të kontaktonte pilotin e dytë, por nuk pati përgjigje.
Raporti thoshte se kapiteni u kthye nga tualeti dhe u përpoq të hapte derën e kabinës së pilotit me një kod të zakonshëm hapjeje, i cili aktivizohet në kabinën e pilotit.
Piloti bëri pesë përpjekje dhe një anëtar i ekuipazhit të kabinës bëri gjithashtu një telefonatë interkomi në kabinën e pilotit. Pa marrë përgjigje, kapiteni përdori një kod emergjence për të hyrë dhe mori kontrollin e avionit.
Lufthansa i tha agjencisë gjermane të lajmeve DPA se ishte në dijeni të raportit të hetimit dhe se departamenti i saj i sigurisë së fluturimeve kishte kryer gjithashtu një hetim.
Sipas raportit, bashkëpiloti mori ndihmën e parë nga ekuipazhi dhe një mjek, i cili udhëtonte si pasagjer. Më pas ai rifitoi vetëdijen dhe më vonë tha se mbante mend se ishte trajtuar nga ekuipazhi dhe mjeku.
Piloti tjetër vendosi ta devijonte fluturimin për në aeroportin Adolfo Suárez Madrid-Barajas të Madridit, ku u ul afërsisht 20 minuta më vonë. Pasi mbërriti në Madrid, piloti u transferua në spital ku qëndroi për disa orë.
Një hetim përcaktoi se paaftësia e pilotit ishte simptomë e një gjendjeje neurologjike para-ekzistuese që ai nuk e dinte se e kishte dhe që nuk ishte vërejtur gjatë ekzaminimit të tij mjekësor, thuhet në raport.
Certifikata mjekësore e pilotit të dytë është pezulluar që atëherë.
Autoriteti spanjoll e detajoi incidentin si një “rrethanë të jashtëzakonshme” dhe tha se pilotët ishin trajnuar për situata ku një pilot tjetër është i paaftë.
Edhe pse të rralla, paaftësitë gjatë fluturimit përfshirë vdekjen e papritur të pilotëve, ndodhin, tha CIAIAC, duke cituar raporte të ndryshme.
Autoriteti tha se identifikoi 287 paaftësi të pilotëve gjatë fluturimit në një bazë të dhënash të raporteve të ngjarjeve të transportit, të menaxhuar nga Komisioni Evropian, gjatë periudhës 2019-2024.
Në një raport të vitit 2004 , Administrata Federale e Aviacionit të SHBA-së identifikoi 39 paaftësi gjatë fluturimit midis pilotëve amerikanë të linjave ajrore gjatë një periudhe gjashtëvjeçare midis viteve 1993 dhe 1998.
