Bota e futbollit është në zi pasi ka ndërruar jetë në moshën 68-vjeçare, Emmanuel Kunde. Një lojtar që spikati në epokën e artë të Kamerunit, përgjatë Botërorit 1990.
Presidenti i Federatës Samuel Eto’o e vlerësoi Kundén si “kullën e kontrollit” dhe “murin mbrojtës” në fushë për Kamerunin.
Kundé në rolin e një qendërmbrojtësi, shënoi një penallti kundër Anglisë në çerekfinalet e Kupës së Botës 1990 në Itali përpara se 3 Luanët të humbnin në kohën shtesë.
Kundé gjithashtu e ndihmoi ekipin dy herë të fitonte Kupën e Kombeve të Afrikës – në 1984 dhe 1988. Penalltia e tij në pjesën e dytë ishte diferenca në fitoren 1-0 të Kamerunit ndaj Nigerisë në finalen e ’88 në Casablanca.
Ai numëroi mbi 100 paraqitje me kombëtaren.
Jashtë Kamerunit, dha kontribut në Europë për Reims dhe Lavalois. Një mbrojtës i cili do të mbahet mend gjatë nga Kameruni.
