Bordi i një shkolle në Kaliforninë Qëndrore ka marrë një vendim të hënën e kësj jave, që lejon anëtarët e stafit të mbajnë armë në ambientet e shkollës. Zyrtarët shprehen se ndryshimi i politikave të ndjekura nga autoritetet është bërë me ndihmën e zbatimit të ligjit vendor dhe nuk vjen si një përgjigje ndaj një kërcënimi specifik.
Ndërkohë, shumë anëtarë të bordit e shohin këtë ndryshim si një hap aktiv për të parandaluar një situatë të ngjashme me atë të masakrës në shkollën Sandy Hook. Me vendimin e fundit të implementuar në Kaliforni, së paku pesë anëtarë të stafit në shkollën e mesme Kingsburg, do të jenë të autorizuar të mbajnë armë në ambientet e shkollës. Anëtarët e zgjedhur të stafit, do të duhet të kryejnë edhe një trajnim për mbajtjen dhe përdorimin e armëve në mënyrë që siguria të jetë në kushtet maksimale.
Shefi i policisë në Kingsburg tha se është dakord me vendimin e ri, nësë vetë anëtarët e stafit të shkollave janë dakord të marrin një përgjejgësi të tillë.
“Nëse një anëtar i stafit do që ta vendosë veten në një rrezik të tillë, atëherë jam plotësisht dakord. Do t’i mbështes me çdo mënyrë që të mundem”.- shprehet shefi i policisë.
Kjo politikë që do të ndiqet tashmë në Kaliforni gjeti mbështejte të gjerë nga prindërit, ndërsa disa grupe e kundërshtojnë me argumentin se do të krijojë një atmosferë të ashpër në komunitetin e shkollës.
