Komisioneri Shtetër i Zgjedhjeve, Ilirjan Celibashi ka marrë vendimin që të revokojë akreditimin e të gjithë vëzhguesve të partive politike në Qendrën e Votimit në Vorë. Të vlefshme do të jenë vetëm akreditimet për vëzhguesit ndërkombëtarë dhe mediat.
Ky vendim ka ardhur pas përplasjeve të regjistruara, ku deputetët Flamur Noka dhe Albana Vokshi u përplasën me një grup “patronazhistësh”, pasi këta të fundit ishin futur në qendrën e votimit.
Kreu i KZAZ nr. 27, ku nodhi përplasja, konfirmoi për mediat se shtetasi i identifikuar si Bert Xhabafti, u fut në qendrën e votimit duke mbajtur një badge të falsifikuar me emrin Arlind Popa.
Pas përplasje, në vendin e ngarjes shkoi edhe vetë Celibashi, ku gjatë fjalës së tij u bëri thirrje edhe kandidatëve politik që të qëndrojnë larg qendrave të votimeve.
