Këtë të shtunë të 10 majit, në Tiranë zhvillohet etapa e dytë e “Giro d’Italia” e cila ka shkaktuar një kaos total.
Si të mos mjaftonte trafiku i rënduar që përjetojnë çdo ditë qytetarët e kryeqytetitplici por jo vetëm, tashmë i shtohet edhe bllokimi në mënyrë skandaloze të rrugëve kyçe.
Udhëtimi për të shkuar në punë është kthyer në një mision të pamundur dhe tejet stresues për të gjithë qytetarët ditën e sotme.
Edhe pse ishte paralajmëruar bllokimi i rrugëve, policia duket se nuk është organizuar ashtu siç duhet për të rregulluar trafikun në rrugë alternative dhe për të mos paralizuar jetën në kryeqytet.
Bllokimi i rrugëve ishte paralajmëruar të ndodhte nga ora 10:00, por në fakt ndodhi që në orën 8 dhe qytetarët janë ndeshur me situata kaotike këtë mëngjes.
Ndalim qarkullimi dhe parkimi/ Ora 10:00–18:00:
Sheshin “Skenderbej”;
Rrugën “Urani Pano”;
Rrugën “Dedë Gjo Luli”;
Rrugën “Ibrahim Rugova”;
Rrugën “Deshmorët e 4 Shkurtit”;
Bulevardin “Gjergj Fishta”;
Rrugën “Muhamet Gjollesha”;
Bulevardin “Bajram Curri”;
Rrugën “Ibrahim Rugova”;
Rrugën “Lek Dugagjini”;
Rrugën “Dervish Hima”;
Rrugën e Elbasanit- Rrethrrotullimi i Saukut;
Rrugën “Abdyl Frashëri”;
Bulevardin “Zogu I” deri te rruga “Fortuzi”;
Rruga pas Pallatit të Kulturës.
Kufizime në aksesin e disa blloqeve të banimit, veçanërisht në zonat në rrugët lidhëse me rrugën “.Papa Gjon Pali II” dhe “Ukraina e Lirë”, nuk kanë akses për të dalë gjatë orarit 10:00-18:00.
