Roland Luçi, ish-trajneri i Vllaznisë, Roland Luçi, ka shpërthyer në akuza pas ndeshjes së luajtur në Shkodër mes Vllaznisë dhe Kukësit.
Ai e ka quajtur këtë takim estradë, ku shkodranët kanë fituar lehtësisht dhe mbeten në garë për t’i shpëtuar rënies nga kategoria Superiore.
“Pas 90 minutash estradë, Vllaznia shpartallon Kukësin. Turp? Kujt i plas sot!”, shkruan Luçi në statusin e tij në “Facebook”. Ish-trajneri i Vllazisë nuk është përmbajtur më pas takimit të djeshëm. Edhe pse Kukësi shënoi i pari, kuqeblutë arritën të përmbysin gjithçka dhe të sigurojnë një 3-pikësh shumë të rëndësishëm në luftën për mbijetesë.
Tashmë Vllaznisë i duhet që të fitojë edhe takimin e fundit në Korçë ndaj Skënderbeut dhe Kamza të mundet nga Partizani që shkodranët të qëndrojnë sërish në Superiore edhe në kampionatin e ardhshëm.
