Bashkëshortja e Luçiano Boçit, Blerina ka reaguar pas dhunës ndaj djalit të saj mbrëmjen e djeshme pranë stadiumit në qytetin e Elbasanit, në mitingun e Partisë Demokratike.
Në një postim në Facebook, Blerina thotë se ky është një veprim i skemave banditeske, por që do ta zbardhin deri në fund.
“Skemat banditeske në veprim të plotë, por do e zbardhim deri në fund! Zoti thotë “Beteja është e imja”, shkruan ajo krahas videos.
Kujtojmë se disa persona u përfshinë në një përplasje fizike mbrëmjen e së mërkurës pranë stadiumit në qytetin e Elbasanit, në mitingun e Partisë Demokratike. Pas një debati, persona ende të paidentifikuar kanë dhunuar djalin e Luçiano Boçit, drejtuesit politik të Partisë Demokratike në Shkodër. Djali i Boçit u transportua me hematoma në spitalin e qytetit ku po merr ndihmën mjekësore.
