Këtë të martë nisi shpërndarja e materialeve zgjedhore në disa qarqe të vendit.
Nën masa të rrepta sigurie materialet zgjedhore u shpërndanë në 7 KZAZ-të e qarkut të Korçës, përkatësisht për 422 qendra votimi.
Komisionet zonale të administrimit të zgjedhjeve po administrojnë kutitë e votimit së bashku me fletët e votimit, vulat, kamerat e qendrave te votimit dhe pajisjet PEI.
Kanë mbërritur për dy kzaz-et e Lezhës materialet zgjedhore në një proces qe duket se gjithçka po shkon mirë dhe vijon normalisht.
Materialet zgjedhore mbërritën edhe në Sarandë dhe Delvinë.
Bashkia e Sarandë ka 53 Qendra Votimi. 35 në qytet, 8 në Nj.A Ksamil dhe 10 në rrethinat e bashkisë. Ndërsa Bashkia e Delvinës ka 22 Qendra Votimi. 12 në qytet dhe 10 në rrethinat e bashkisë.
Në Berat materialet zgjedhore u shpërndanë në 6 KZAZ-të e qarkut.
Edhe ne Vlore në KZAZ-ne nr. 84 te vendosur pranë palestrës së shkollës 9-vjeçare “Ismail Qemali” mbërritën pajisjet për procesin e numërimit, por edhe për vëzhguesit.
Pas mbërritjes së materialeve zgjedhore, policia do të qëndrojë në gatishmëri të plotë për ruajtjen e tyre në oraret e përcaktuara nga autoritetet deri në momentin e shpërndarjes në qendrat e votimit.
Shpërndarja e tyre në qendrat e votimit pritet të kryhet ditën e shtunë një ditë para zgjedhjeve parlamentare.
