Gazetari Klodian Tomorri shprehet se censurimi i rezolutës së miratuar nga Partitë Popullore Evropiane, në Valencia të Spanjës është një tregues i qartë se si mediat kombëtarë janë kapur totalisht nga mazhoranca, duke mbajtur iso ndaj qeverisë.
Tomorri tha se është tragji-komike që lideri i opozitës ‘detyrohet’ të dalë në konferencë të jashtëzakonshme për mediet, për të çuar te publiku të vërtetat lakuriqe të rezolutës së 4-t të PPE, pasi mediet e vendit e censurojnë.
Parë në këtë këndvështrim thekson Tomorri, është dramatike ajo çfarë po ndodh me mediat e mëdha në vendin tonë, që sipas tij nuk raportojnë një të vërtetë kaq të madhe dhe ‘shuplakë’ në të njëjtën kohë për qeverinë.
“Është tragjike, ka dhe doza komike, që kryeopozitari del më pas në konference për të çuar në veshin e një qytetari rezolutën e PPE, pasi mediat e vendit e censurojnë. Situatë dramatike se çfarë ndodh me lirinë e medias dhe paanshmerinë e saj.
Më 2013 Berisha, i kishte opozitare mediat e mëdha, sot mediat e mëdha i mbajnë iso qeverisë, duke mos raportuar një rezolutë që kishte atë gjuhe, që kishte ajo e një ditë më parë dhe vjen 1 javë para zgjedhjeve. Shuplakë e fortë për qeverinë për herë të 4-t nga PPE, që kanë shumicën në qeveritë e Evropës dhe PE-së, pjesë e rezolutëz janë Republikanët amerikanë.
Tashmë zëri i opozitës dëgjohet, nuk kemi më opozitën e para disa kohëve, që ishte e izoluar në prag asgjësimi, situata ka ndryshuar. Të vërtetat e opozitës shkojnë në veshin e botës. Duket se kemi një qëndrim në 2 anë të faktorit evropian. PPE-të që flasin për situatën reale në Shqipëri, nga ana tjetër kemi institucionet e BE, që duket sikur vazhdojnë ta ruajnë me fanatizëm atë pozicion.
Kemi një Evropë që flet me dy gjuhë, dhe gjuha e vërtetë fatkeqësisht, që tregon realitetin është ajo e PPE, ajo është situata reale e Shqipërisë. Të ndërgjegjësohen të gjitha institucionet dhe qeveritë e BE, me rëndësi. Shumë ata që kanë firmosur rezolutën kanë poste të rëndësishme në BE. Faktori më i madh politik i Evropës e më gjerë, po flet me një gjuhë ndaj qeverisë, që krahasohet me gjuhën e regjimeve diktatoriale”, tha Tomorri per Syri tv.
