Këngëtarja shqiptare me famë botërore, Rita Ora, tanimë numëron fansa të shumtë nga të gjitha vendet e botës. Por njëra prej tyre ka arritur që me historinë e saj të prekë zemrat e të gjithëve. Rita ka postuar në “Instagram” një foto të sajën me fansen, duke treguar shkurt historinë e saj.
Fansja kishte qenë e paralizuar kur e kishte takuar për herë të parë këngëtaren dhe i kishte premtuar se kur do të takoheshin sërish, ajo do të ishte ngritur në këmbë. Ato ishin ritakuar së fundmi, 5 vite pas takimit të parë dhe fansja kishte ecur 6 hapa për të përqafuar Ritën.
