Redon Xhixha gjeti ditën e sotme golin e katërt në kampionat me fanellën e Qarabagut. Sulmuesi 26-vjeçar shënoi në minutën e 42-të të sfidës ndaj Sabah Baku, që u mbyll në barazim 1-1.
Xhixha u tregua i saktë nga pika e bardhë e penalltisë, duke elektrizuar tifozët e Qarabag, që ishin të shumtë në këtë transfertë në mbështetje të skuadrës së tyre.
Xhxiha në këtë edicion është aktivizuar 16 ndeshje në total në elitën e futbollit azer.
Kujtojmë që Qarabag është shpallur matematikisht kampion, teksa gjasat janë që në fund të sezonit, sulmuesi shqiptar të largohet pasi hapësirat nuk kanë qenë të shumta, duke mos qenë zgjedhje e parë e trajnerit.
