UEFA ka shpërndarë 233 milionë euro për 901 klube që janë të ndara në 55 federatat evropiane, kjo për lejimin e lojtarëve të tyre për ekipet kombëtare.
Gjithçka lidhet për vitet 2020 deri në 2024, që përfshin kompeticionet e Ligës së Kombeve dhe Evropianit 2020 dhe 2024.
Nëse fondi nga UEFA ka qenë ndër më të mëdhenjtë që është akorduar për klubet, ato në Shqipëri kanë përfituar “thërrime”. Në total tre klubet e Superligës kanë marrë 150 mijë euro.
KF Tirana ka përfituar diçka më shumë se 84 mijë euro, Egnatia 36.590 euro, ndërsa Partizani 29.272 euro.
Kjo tregon qartë se klubet shqiptare nuk dërgojnë lojtarë në ekipet kombëtare, gjë që nuk sjell të ardhura për ta.
