Adrion Pajaziti është bërë protagonist ditën e sotme në javën e 30-të të kampionatit kroat. Mesfushori i Kombëtares shqiptare gjeti rrjetën me skuadrën e Goricës në transfertë.
Këta të fundit u përballën me Osijekun, sfidë që startoi në orën 16:00. I gjendur brenda zonës në një aksion të ekipit të tij, Pajaziti arriti të tundë rrjetën në minutën 31-të. Rezultati nuk do të ndryshonte deri në fund teksa goli i shqiptarit rezultoi vendimtar në fatet e sfidës.
Ky ishte goli i parë i 22-vjeçarit kuqezi këtë sezon me fanellën e Goricës, ku ka regjistruar 18 paraqitje. Pajaziti bëri debutimin e madh me Kombëtaren shqiptare në mars ndaj Anglisë në “Wembley”.
