Një person ka humbur jetën ditën e sotme gjatë punimeve për ndërtimin e aeroportit të Vlorës. Mësohet se viktima ka qenë punëtor brenda kantierit.
Ai ka rënë nga lartësia gjatë punimeve për godinën e terminalit.
“Rreth orës 15:40, në fshatin Akërni, në ambientet e aeroportit të Vlorës, dyshohet se është rrëzuar aksidentalisht nga lartësia, gjatë punimeve në terminal, shtetasi D. H., 38 vjeç, i cili si pasojë ka humbur jetën në vendngjarje.
Grupi hetimor ndodhet në vendngjarje dhe po kryen veprimet për zbardhjen e plotë të rrethanave të ngjarjes.”– njofton policia.
Mesa duket, aeroporti për të cilin Rama flet me mburrje nuk plotëson as kushtet më minimale për sigurinë e punëtorëve.
Policia njofton se do të merren në pyetje shtetasit përgjegjës për punimet në aeroport.
