Emanuel Ernest me shumë mundësi e ka mbyllur çështjen e aktivizimit në Superiore për këtë vit. Lojtari është dëmtuar në shpatull dhe nuk do të luajë në dy takimet e mbetura të kampionatit.
Për Tiranën kjo është humbje e madhe, pasi Ernest është lojtari kryesor i sulmit dhe kjo u pa edhe në takimin me Skënderbeun, sidomos në pjesën e parë. Edhe një herë tjetër Shkëmbi duhet të sajojë për formacionin, pasi mund të ketë edhe shqetësime të tjera.
Notë pozitive për Akileun Ndrecën që po tregohet vendimtar për bardheblutë në këtë fund kampionati. Goli i tij ishte vendimtar në Korçë dhe i dha një pikë Tiranës.
Për t’u parë edhe gjendja e disa lojtarëve të tjerë, ndërsa mund të kthehet në fushë ndonjë minutë, mbrojtësi i majtë Ismajli, prej kohësh i dëmtuar.
