Partizani B ka mposhtur Albpetrolin me rezultatin 3-0 në sfidën e “play-off” të Kategorisë së Tretë. Në anën tjetër Gramshi ka fituar përmes penalltive ndaj Turbinës në sfidën e “play-out” të Kategorisë së Dytë, pasi koha e rregullt dhe shtesa u mbyllën 1-1.
Partizani B do ta luajë përballë Turbinës finalen e “play-off”, që do të vendosë kush do të jetë pjesë e Kategorisë së Dytë dhe Tretë në sezonin e ardhshëm.
Gramshit ndërkohë i buzëqeshën penalltitë ndaj Turbinës në Vlorë, për të qëndruar në Kategorinë e Dytë.
Humbja 3-0 ndaj Partizanit B në Vorë, mban Albpetrolin në Kategorinë e Tretë. Partizani B pati edhe ndihmë nga lojtarët e elitës, për të mbajtur gjallë shpresën e ngjitjes.
Një nga golat erdhi nga Gudjufi, i cili është pjesë e ekipit të parë. Po ashtu Osmanllari, Sembene, Mando, Jata dhe Mintongo janë lojtarë që kanë provuar elitën, ndërsa Gjuzi ishte po ashtu pjesë e atyre që spikatën ndaj Albpetrolit.
